Мәзірді көрсету Іздестіру
БАҚ біз туралы

You are here

Жаңалықтар

0811/19
Работы по совершенствованию программных обеспечений устновленных на станциях техосмотра продолжаются

Техникалық байқау станцияларында орнатылған бағдарламалық қамтамасыз етуді жетілдіру жұмыстары жалғасуда

2019 жылы 8 қарашада ҚР Индустрия және инфрақұрылымдық даму министрлігінің ғимаратында "техникалық байқау станцияларында орнатылған бағдарламалық қамтамасыз етуді жетілдіру" тақырыбында брифинг өтті»

Іс-шараға ҚР ИИДМ Көлік комитеті төрағасының орынбасары Данияр Қоспабаев, "ҰАТ" АҚ Басқарма төрағасының орынбасары Дәулет Бекманов, «ҰАТ» АҚ интеграциялық шешімдер басқармасының басшысы Алия Ахметжанова қатысты

2012 жылы міндетті техникалық байқауды бәсекелестік ортаға берген сәттен бастап (міндетті техникалық байқауды ұйымдастыру және өткізу тәртібінің сақталуына мемлекеттік бақылауды жүзеге асыру Қазақстан Республикасы Индустрия және инфрақұрылымдық даму министрлігімен бекітілген) бүгінгі күнге дейін техникалық жай – күйі бойынша техникалық байқаудан өтпеген көлік құралдарының пайызы төмендейді (2012 жылдан бастап өтпеген көлік құралдарының пайызы 13% - ды, ал 2019 жылы-5% - ды құрады). Бүгінгі күні көлік құралдарын техникалық байқаудан өткізуді өз құрамында 1500-ден астам техникалық байқау орталығы бар 600-ден астам оператор жүзеге асырады.

Өтпеген көлік құралдары санының төмендеуіне бірінші кезекте техникалық байқау орталықтарын ашу рәсімін оңайлату (ТБО ашу үшін құжаттар пакетін қысқарту), екіншіден, шағын және орта бизнеске қатысты бақылау-қадағалау іс-шаралары бөлігінде жеңілдік (хабарлама тәртібіне көшіру , тізілімге енгізілгеннен кейін ТБО тексеру жүргізу үшін негіздерді алып тастау) әсер етті, бұл нәтижесінде техникалық байқау саласындағы өрескел бұзушылықтарға ("қолмен енгізу", "фотошоп", көлік құралын ұсынбай техникалық байқауды өткізу, жалған диагностикалық карталарды сату) әкелді.

Жоғарыда көрсетілген факторларға байланысты техникалық байқауды өткізу бойынша алаяқтық схемалардың жаңа түрлері, сондай-ақ оларды Қазақстан Республикасының мемлекеттік стандарттарына және НҚА талаптарына сәйкес келмейтін жерлерде өткізбестен өткізу пайда болды.

Тек соңғы жарты жыл ішінде аумақтық көліктік бақылау органдары жасанды диагностикалық карталарды анықтау бойынша 150-ден астам рейдтік іс-шаралар өткізді, олардың нәтижелері бойынша диагностикалық карталарды қолдан жасаудың 84 фактісі анықталды, техникалық байқау операторларына қатысты 26 әкімшілік материал жасалды және құжаттарды қолдан жасау және алаяқтық фактілері бойынша 2 қылмыстық іс қозғалды.

Осындай алаяқтық түрлерінің қызметі техникалық байқау нәтижелеріне түзетулер енгізу және оны көлік құралын нақты ұсынбай жүргізу түрінде жүзеге асырылады.

Техникалық байқау саласындағы жоғарыда көрсетілген барлық бұзушылықтар мүдделі мемлекеттік органдармен және бизнес өкілдерімен талқыланды, соның нәтижесінде техникалық байқау саласындағы қауымдастықтармен және жоғарыда көрсетілген өкілдермен келісе отырып, Министрлік "Жол жүрісі туралы" ҚР Заңына және міндетті техникалық байқауды ұйымдастыру және өткізу ережесіне өзгерістер енгізді. Сондай-ақ, Қазақстан Республикасының Үкіметі "ҰАТ"АҚ тұлғасындағы бірыңғай ақпараттық жүйенің операторы болып белгіленді.

Жоғарыда көрсетілген алаяқтық әрекеттерді болдырмау бөлігінде "ҰАТ" АҚ-ны "техникалық байқау" бірыңғай ақпараттық жүйесінің операторы ретінде анықтағаннан кейін техникалық байқау нәтижелерін беруді жүзеге асыратын бағдарламалық қамтамасыз етуді тексеру басталды. Алайда, бес бағдарламалық қамтамасыз етудің екеуі сәйкес келмегендіктен, "ҰАТ" АҚ белгіленген талаптарға сәйкес келмейтін бағдарламалық қамтамасыз ету арқылы деректерді беруді жүзеге асыратын техникалық байқау орталықтарынан деректерді қабылдау тоқтатылды, ал бұл 160 техникалық байқау орталығы.

Бүгінгі күні Министрлік бағдарламалық қамтамасыз етуді әзірлеушілермен бірлесіп (белгіленген талаптарға сәйкес келмейтін) мемлекеттік тіркеу нөмірлік белгісін тану бөлігінде бағдарламалық қамтамасыз етуді пысықтау бойынша жұмыс жүргізуде.


Біздің жаңалықтарымызға жазылғыңыз келеді ме?

© 2019

Ресми Интернет-ресурс

Қазақстан Республикасы Индустрия және инфрақұрылымдық даму министрлігі